У новага галоўнага лекара 6-ай лякарні Менска ўзніклі вялікія праблемы

Прычыны характэрныя.

Крыніцы тэлеграм-канала «Белыя халаты» паведамляюць, што на адной з апошніх калегій Міністэрства аховы здароўя ўзніклі вялікія праблемы ў новага галоўнага лекара 6-й гарадской клінічнай лякарні Менска Віктара Аносава. Прычыны характэрныя: ён кіруе ўстановай усяго 3 месяцы, а за гэты час з яе звольнілася 75 медработнікаў.

На сёння на сайце лякарні заяўлена аб адкрытых вакансіях па 24 медыцынскіх спецыяльнасцях.

Пошук новага галоўнага лекара лякарні пачаўся яшчэ вясной. Віктар Аносаў быў адным з імаверных кандыдатаў, але пасля высветлілася, што ў яго ёсць «Карта паляка». Давялося каяцца і адмовіцца ад карты, што дазволіла яму пайсці на павышэнне (да гэтага ён працаваў намеснікам па навуцы ў РНПЦ траўматалогіі).

Як распавялі ў 6-м шпіталі, прычыны масавага звальнення людзей не столькі ў нейкіх палітычных рэпрэсіях, колькі ў чалавечых якасцях Віктара і яго падыходзе да кіраўніцтва.

Тэлеграм-канал папрасіў калегаў апісаць стыль яго працы, і яны адзначылі вельмі кепскі характар і вельмі дрэннае стаўленне да супрацоўнікаў лякарні, асабліва да малодшага і сярэдняга персаналу.

Адна з канкрэтных прэтэнзій — планавыя аперацыі, якія павінны праводзіцца цягам працоўнага дня, якія стала пераносяцца на непрацоўны час, і медыкі вымушаныя браць на сябе дадатковую нагрузку пры і так насычаным графіку.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com