Гіганцкі кіт выскачыў побач з сёрфінгісткамі на Алімпіядзе

Яркі момант атрымалася захаваць на фатаграфіі.

У апошні дзень спаборніцтваў у сёрфінгу ля берагоў Таіці ў Французскай Палінэзіі ў аб'ектывах фатографаў Алімпіяды на некалькі секундаў з'явіўся кіт. Фота акіянскага насельніка, які выскачыў побач са спартоўкамі, завірусілася ў сеціве. Падрабязнасці расказалі ў Associated Press.

Буйное млекакормнае нечакана з'явілася на бяспечнай адлегласці ад спартовак Таццяны Уэстан-Уэб з Бразіліі і Брысы Хенесі з Коста-Рыкі, якія спаборнічалі ў паўфінальным паядынку. Фатаграфію паспелі зрабіць некалькі фатографаў, якія працавалі на спаборніцтвах. Адзін з іх – аргенцінскі фатограф і трыятланіст-аматар Карлас Барыа.

Востраў Таіці, ля якога спаборнічаюць сёрферы на летніх Алімпійскіх гульнях, знаходзіцца за 15,7 тыс. км ад Парыжа. Вакол астравоў кіты масава збіраюцца падчас спароўвання, родаў і сезону міграцыі. Тэрыторыя ўважаецца за абароненую зону для акіянскіх гігантаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com