«Пуцін неўзабаве не зможа працягваць вайну»
3- 7.08.2024, 9:33
- 9,060
Сіл у Крамля засталося на паўгода.
Акно магчымасцяў для Крамля ў вайне супраць Украіны зачыняецца. Ужо ў будучым 2025 годзе дыктатару Пуціну давядзецца заканчваць сваю так званую «СВА».
Такое меркаванне выказаў расейскі апазіцыянер, эканаміст Уладзімір Мілаў. Ён сцвярджае, што сілы на працяг вайны ў найбліжэйшыя паўгода ў Масквы яшчэ ёсць.
Аднак далей ужо пачнуцца вялікія праблемы ў цэлым шэрагу сектараў, у тым ліку ў эканоміцы.
«Думаю, што 25-ы год будзе відавочным годам для Пуціна, калі стане ясна, што ён не зможа гэта (вайну супраць Украіны - рэд.) працягваць ... У гэтым годзе пакуль яны працуюць на рэшткавых рэсурсах, пакуль грошы ёсць. Але пры такой інтэнсіўнасці (баявых дзеянняў - рэд.) яны так хутка расходваюцца, што ўжо 25-ы год яны ўжо не праглядаюцца. Планавы дэфіцыт бюджэту на гэты год - палова ад пакінутай ліквіднай часткі Фонду нацыянальнага дабрабыту. Калі ўсё згодна паводле плану, то да 1 студзеня там застанецца крыху, гэтага не хопіць ні на што. А бюджэт вайсковы ім давядзецца павялічваць», - распавёў Мілаў.
На ягоную думку, у Крамлі разумеюць сумнасць сітуацыі. Менавіта таму Пуцін і ягоныя набліжаныя актыўна загаварылі пра гатоўнасць садзіцца за стол перамоў з Украінай.
«Ён хоча зафіксаваць для сябе сітуацыю на хаях (на піку, максімуме - рэд.). Пакуль здаецца, што ён можа ўсё, што Запарожжа, Херсон і Данбас - гэта толькі пачатак. А ў 25-м будзе зусім іншая карціна. І шмат залежыць ад таго, як гэтым зможа скарыстацца Украіна і Захад, ці зможа арганізаваць нейкі новы ціск для адкату, ці будзе размова аб фіксацыі таго, што ёсць. Але я ўпэўнены, што ў наступным годзе Пуцін будзе вымушаны прымаць практычныя крокі для спынення актыўных баявых дзеянняў», — канстатаваў расейскі апазіцыянер.