ДАІ адправіла патрулі да крам па ўсёй Беларусі

На цэлыя чатыры дні.

Дзяржаўтаінспекцыя Менска абвясціла аб рэспубліканскай акцыі, якую надумалі правесці на гэтых выходных, з 9 да 12 жніўня.

Прафілактычнае мерапрыемства закране ўсе вобласці Беларусі і будзе накіраванае на "спыненне фактаў" кіравання ў нецвярозым стане. Таксама інспектары ДАІ паабяцалі пільную ўвагу тым, хто не баіцца ездзіць без пасведчання - іх таксама прыцягнуць да адказнасці.

Падчас рэспубліканскай акцыі "П'янаму і бяспраўнаму не месца на дарозе" супрацоўнікі ДАІ паабяцалі ўзмацніць нагляд за дарожным рухам і адправіць патрулі да "месцаў масавага адпачынку грамадзян", крам і забаўляльных устаноў, якія працуюць 24/7.

Таксама ў ведамстве расказалі, што запланавалі абмен патрулямі ДПС у мяжуючых раёнах і правядзенне спецмерапрыемстваў пад умоўнымі назвамі "Фільтр" і "Павуцінне". У ДАІ дадалі, што супрацоўнікі ДПС "Страла" нададуць практычную дапамогу раёнам з найбольш неспрыяльным дарожным становішчам.

Акрамя таго, Дзяржаўтаінспекцыя Менска папрасіла не хаваць “спробы нецвярозага кіравання” і паведамляць пра гэта па тэлефоне 102. Не забыліся перасцерагчы беларусаў і пра “пераменлівыя варункі надвор'я”, падчас якіх трэба выкарыстоўваць “падвышаныя меры бяспекі” і “быць разважлівым”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com