Канада ўвяла санкцыі супраць Мікалая Лукашэнкі

Таксама ў спіс патрапілі шэсць беларускіх суддзяў.

Канада пашырыла санкцыйны спіс супраць афіцыйнага Менска. Пад абмежаванні патрапілі 10 чалавек і 6 кампаній. Сярод іх - сын дыктатара Лукашэнкі Мікалай. Пра гэта гаворыцца ў паведамленні, якое было размешчана 9 жніўня на сайце канадскага ўраду, піша «Зеркало».

Пашырэнне рэстрыкцый прымеркаванае да чацвёртай гадавіны «прэзідэнцкіх выбараў» 2020 года. У санкцыйны спіс сярод іншых дадалі суддзяў, якія «груба парушаючы абавязацельствы па правах чалавека, адвольна асудзілі і прыгаварылі абаронцаў дэмакратыі і звычайных грамадзян за выказванне сваёй нязгоды з фальсіфікаванымі выбарамі». Таксама ў яго ўключылі прадстаўнікоў ваенна-прамысловага комплексу.

«Прадпрыемствы, якія трапілі пад санкцыі, (…) займаюцца вытворчасцю ці рамонтам вайсковай тэхнікі, якая спрыяе поўнамаштабнаму ўварванню Расеі ва Украіну. Канада таксама ўводзіць санкцыі ў дачыненні да беларускага дзяржаўнага прадпрыемства, якое задушыла права сваіх супрацоўнікаў на мірны пратэст пасля фальсіфікаваных выбараў у жніўні 2020 года, запалохваючы і звальняючы супрацоўнікаў, якія далучыліся да мірных пратэстаў і забастовак», — адзначаецца ў прэс-рэлізе.

За грубыя і сістэматычныя парушэнні правоў чалавека ў Беларусі пасля фальсіфікацыі «прэзідэнцкіх выбараў» 2020 года канадскі ўрад уключыў у санкцыйныя спісы:

- Мікалая Лукашэнку;

- Юлію Блізнюк;

- Віталя Сініла;

- Ірыну Праўдун;

- Валянціну Новікаву;

- Вадзіма Мазоля;

- Аляксандра Абашына.

Акрамя таго пад абмежаванні патрапілі Алег Мішчанка, Павел Муравейка і Андрэй Федзін. Іх уключылі за дачыненне да вайсковай вытворчасці.

З юрыдычных асоб пад рэстрыкцыямі выявіліся «Менскі электратэхнічны завод», Канструктарскае бюро «Дысплей», «Менскі навукова-даследчы прыборабудаўнічы інстытут», «Навукова-даследчы інстытут электронных вылічальных машын», «Планар» і «Гомсельмаш».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com