Эксперт: Збіццё гелікаптэраў дронамі СБУ ў Курскай вобласці – новая старонка ў гісторыі войнаў

Кошт аднаго збітага расейскага гелікаптэра – больш за $18 мільёнаў.

Збіццё двух расейскіх гелікаптэраў FPV-дронамі на Куршчыне – гэта новая старонка ў гісторыі вайны. Пра гэта напісаў у «Фэйсбуку» ўкраінскі палітолаг Аляксей Галабуцкі.

Эксперт адзначае, што збіццё гелікаптэраў адбылося дзякуючы тэхналагічным інавацыям, якія ўжыла СБУ.

– Гаворка ідзе пра высокі ўзровень ваеннага мэнэджмэнту. Для знішчэння расейскай тэхнікі Служба выкарыстоўвае паветраныя і марскія дроны, якія з'яўляюцца ўласнымі распрацоўкамі. Дзясяткі праведзеных спецаперацый маюць значны ўплыў на ход вайны. Аднак самае галоўнае ў поспеху спецаперацый – прафесіяналы. Людзі – вось самы каштоўны рэсурс гэтай вайны, і бачу, што ва ўстанове Малюка гэта добра разумеюць, – падкрэслівае Галабуцкі.

Асобна эксперт спыняецца на кошце падбітай тэхнікі:

– Кошт збітага расейскага гелікаптэра – больш за 18 млн даляраў. Гэта ў тысячы разоў больш за кошт дрона, які яго збіў. А я нагадаю, што байцамі Службы ўжо знішчана больш за тысячу танкаў, а таксама БТРы, артылерыйскія сістэмы, радыёлакацыйныя ўстаноўкі і да таго падобнае. Увогуле, тэхніка ворага, якую падбілі падраздзяленні Службы, каштуе мільярды даляраў.

– Унікальныя кадры збівання гелікаптэраў FPV-дронамі СБУ ўжо абляцелі свет. А нам застаецца сачыць за падзеямі на Куршчыне і чакаць новых паспяховых выпадкаў дэмілітарызацыі ворага на ягонай тэрыторыі, – рэзюмуе Галабуцкі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com