У цэнтры Скідаля можна набыць цэлы замак

Названы кошт.

Дом у замкавым стылі можна набыць у цэнтры Скідаля. Ён знаходзіцца ў сядзібным парку Антановічаў-Чацвярцінскіх і пабудаваны на месцы былога дома і дворыка каталіцкага святара. Цяпер яго выставілі на продаж, паведамляе wikidom.by.

«Пабудаваны з сучасных матэрыялаў – цэгла і газасілікатны блок, уцеплены мінеральнай ватай, атынкаваны. Але пры гэтым дэкор сценаў выкананы з галандскай абліцавальнай цэглы ручной фармоўкі», – гаворыцца ў паведамленні.

Замак займае плошчу 286 квадратных метраў. На першым паверсе размяшчаецца прасторная гасцёўня (38 квадратных метраў), кухня-сталоўка (28 квадратных метраў), трэнажорная зала, більярдавая, музычны пакой, санвузел, паліўная і прасторная тэраса. На другім паверсе – пяць спальняў, кабінет і вялікі гаўбец. У гасцёўні ёсць печ-камін. Таксама ў доме ёсць старадаўні склеп з арачнымі скляпеннямі з цэглы.

Надзел каля дома – 12 сотак, там растуць дэкаратыўныя кусты і туі. Таксама ў двары – вялікі гараж і хлеў.

У апісанні гэтай сядзібы адзначаецца, што яна знаходзіцца ў «парку Антановічаў-Чацвярцінскіх, які цяпер мае статус помніка прыроды». Сам парк з'явіўся ў канцы XIX стагоддзя і цяпер займае больш за чатыры гектары. Спланавалі яго так, што пейзажныя карціны раскрываюцца паступова. Патэнцыйных пакупнікоў прывабліваюць ідэяй, што ў гэтым замку можна арганізаваць гатэльна-турыстычны бізнэс.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com