The Times: Пуцін коньмі заплаціў Кім Чэн Ыну за набоі
8- 1.09.2024, 10:35
- 4,794
![The Times: Пуцін коньмі заплаціў Кім Чэн Ыну за набоі](https://i.c97.org/ai/609004/aux-head-1725176221-2024_08_30_kim_czyn_in__360.png)
24 “арлоўскія рысакі” адправіліся ў КНДР.
Пуцін адправіў паўночнакарэйскаму дыктатару Кім Чэн Ыну партыю коней пароды "арлоўскі рысак" - як частку аплаты за артылерыйскія боепрыпасы для вядзення вайны супраць Украіны, паведамляла выданне The Times 31 жніўня.
Паводле інфармацыі ветэрынарнай службы Прыморскага краю (а гэты рэгіён мае чыгуначнае злучэнне з Паўночнай Карэяй) 31 жніўня праз наземную мяжу РФ і КНДР было перавезена 24 коні - 19 жарабцоў і пяць кабыл.
"Кім Чэн Ын атрымаў новую партыю коней з Расеі, што стала новай прыкметай росту збліжэння паміж паўночнакарэйскім лідарам і Пуціным", – мяркуюць у Times.
Паведамляецца, што “арлоўскі рысак” - улюбёная конская парода Кім Чэн Ына. Менавіта на такіх конях ён звычайна з’яўляецца на прапагандысцкіх фота- і відэаматэрыялах, якія распаўсюджваюцца рэжымам КНДР.