Libération: Дураў аддаў французскім сілавікам тэлефон і код доступу да яго

І пагадзіўся супрацоўнічаць са следствам.

Заснавальнік мэсэнджэра Telegram Павел Дураў да затрымання ў Парыжы тыдзень таму падтрымліваў сувязь з прадстаўнікамі галоўнай управай унутранай бяспекі Францыі (DGSI) і нават сустракаўся з імі ў Дубаі. Аб гэтым прадпрымальнік заявіў на допыце, перадае французская газета Libération са спасылкай на крыніцу.

Калі адбылася гэтая сустрэча, не ўдакладняецца. На ёй Дураў даў зразумець, што «для яго было б недарэчна раскрываць інфармацыю, якая з’яўляецца вайсковай таямніцай». Таксама бізнэсовец расказаў, што "ў рамках барацьбы з тэрарызмам адкрыў афіцыйны канал сувязі з DGSI з гарачай лініяй і спецыяльным адрасам электроннай пошты». Гэта дапамагло прадухіліць некалькі тэрактаў, сцвярджае ён.

Адразу пасля затрымання Дураў пагадзіўся супрацоўнічаць і аддаў праваахоўнікам свой тэлефон і код доступу да яго, працягвае выданне.

Са звестак газеты, пасля затрымання заснавальніка Telegram прэзідэнт Францыі Эмануэль Макрон абмяркоўваў сітуацыю з кіраўніком Аб'яднаных Арабскіх Эміратаў шэйхам Мухамедам бен Заідам Аль Нахаянам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com