На Камчатцы знайшлі абломкі зніклага напярэдадні расейскага гелікаптэра
7- 1.09.2024, 12:17
- 5,618
![На Камчатцы знайшлі абломкі зніклага напярэдадні расейскага гелікаптэра](https://i.c97.org/ai/609018/aux-head-1725182229-20240901_mi8_t_360.jpg)
Загінулі 22 чалавекі.
На Камчатцы знайшлі абломкі расейскага гелікаптэра Мі-8Т, які знік напярэдадні. Усе 22 чалавекі, якія знаходзіліся на борце, загінулі.
Пра гэта паведамляе расейскі рэсурс Shot.
Паведамляецца, што абломкі Мі-8Т былі знойдзены ля горнага масіву вулкана Вачкажэц. Са звестак рэсурсу, гелікаптэр, папярэдне, зачапіў скалу, пасля чаго ўпаў.
Расейскія журналісты сцвярджаюць, што ўсе пасажыры, якія знаходзіліся на борце пацярпелага катастрофу гелікаптэра, загінулі.
Гелікаптэр Мі-8Т знік у суботу, 31 жніўня. На борце знаходзіліся 22 чалавекі — тры чальцы экіпажа і 19 пасажыраў.