Навукоўцы знайшлі нечаканую радзіму адной з першых настольных гульняў

І гэта зусім не Егіпет.

Новае археалагічнае даследаванне ставіць пад сумнеў трывалае меркаванне аб паходжанні адной з найстаражытнейшых гульняў у свеце — "Сабакі і шакалы" або "Гульня ў 58 адтулін", піша New Voice.

Доўгі час лічылася, што гэтая настольная гульня ўзнікла ў Старажытным Егіпце, аднак знаходка на Апшаронскім паўвостраве ў Азербайджане змяняе гэты пункт гледжання.

У 2018 годзе ў Азербайджане была знойдзена самая старажытная з вядомых дошак для гэтай гульні. Даследаванне, апублікаванае ў European Journal of Archaeology, мяркуе, што гульня магла ўзнікнуць не ў Егіпце, а ў Паўднёва-Заходняй Азіі. Археолагі знайшлі некалькі дошак на Апшаронскім паўвостраве, асабліва ў Габустанскім нацыянальным запаведніку. Гэтыя знаходкі паказваюць на тое, што людзі гулялі ў «58 адтулін» у канцы трэцяга-пачатку другога тысячагоддзя да нашай эры, задоўга да з'яўлення гульні ў Егіпце.

Гульня праводзілася на дошцы з 58 адтулінамі, размешчанымі ў два паралельныя шэрагі. У розных рэгіёнах фігуры для гульні мелі ўнікальныя формы, што адлюстроўвае культурныя асаблівасці. Дошкі, выяўленыя ў Азербайджане, падобныя да тых, што знойдзены ў Паўднёва-Заходняй Азіі ды Егіпце, што паказвае на існаванне агульнай культурнай сеткі, якая злучае Каўказ з Мэсапатаміяй і Егіптам.

З гэтых адкрыццяў вынікае, што гульня магла быць неад'емнай часткай штодзённага жыцця жыхароў Апшаронскага паўвострава і выкарыстоўвалася на працягу стагоддзяў. Археолагі падкрэсліваюць, што для канчатковага сцвярджэння аб паходжанні гульні запатрабуецца больш інфармацыі, але ўжо цяпер становіцца ясна, што яе карані могуць сыходзіць у гісторыю Паўднёва-Заходняй Азіі глыбей, чым меркавалася раней.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com