Блізу дзесяці магутных выбухаў: РФ ударыла па Харкаве ракетамі
8- 1.09.2024, 14:19
- 5,082
![Блізу дзесяці магутных выбухаў: РФ ударыла па Харкаве ракетамі](https://i.c97.org/ai/290824/aux-head-1526968670-20180522_raketa_t.jpg)
Ёсць параненыя.
Удзень 1 верасня расейскія акупацыйныя войскі нанеслі блізу 10 удараў па ўкраінскім Харкаве. Пра гэта паведамілі прадстаўнікі мясцовых улад.
Прыблізна а 14:00 паводле менскага часу ў Харкаве прагучала серыя выбухаў. Кіраўнік абласной вайсковай адміністрацыі Алег Сінягубаў заявіў, што вядома аб пашкоджаннях цывільнай інфраструктуры і параненых.
Мэр горада Ігар Церахаў удакладніў, што адзін з удараў прыпаў па раёне прыватнай забудовы.
«Гараць некалькі падворкаў, супермаркет. Ёсць пацярпелыя, у іх ліку медыкі», - напісаў ён.
Сярод пашкоджанай інфраструктуры ў выніку варожых прылётаў - гандлёвы цэнтр, аб'ект спартыўнай інфраструктуры, жылыя дамы, дадаў Сінягубаў. Вядома аб шасці параненых, з іх - шасцігадовае дзіця, у яго вострая рэакцыя на стрэс.