Трэш і шапіто

У што за Лукашэнкам ператварыўся Дзень беларускага пісьменства.

У пачатку нулявых многіх яшчэ здзіўляла спроба ўладаў сумясціць несумяшчальнае - Дзень беларускага пісьменства і раённыя дажынкі, піша «Салiдарнасць».

Як, напрыклад, гэта было ля сцен Мірскага замка ў верасні 2002-га, калі мясцовыя ўлады пад шумок і дым ад мангалаў узнагародзілі ўдарнікаў жніва ў разгар, мякка кажучы, няпрофільнага фестывалю.

Неўзабаве рукі ідэолагаў сталі дацягвацца да ўсяго, што выклікала ў беларусаў непадробную цікавасць - так, напрыклад, рэпертуары фестываляў сярэднявечнай культуры ў Лідзе, Навагрудку і іншых беларускіх гарадах сталі нагружаць аграрнай кампанентай.

Але тое, у што фестываль пісьменства ператварыўся ў апошнія гады, дазваляе казаць аб тым, што свята канчаткова ператварылася ў трэш-шапіто. На словах усё выглядае так:

«Гэтае свята набыло па-сапраўднаму дзяржаўнае значэнне, шчырае, духоўнае, чалавечае, паколькі наглядна паказвае культуру, вытокі, якія сілкуюць нашага чалавека. Мы шануем праўдзівае слова, якое ідзе спрадвеку. Беларусы заўсёды стаялі за справядлівасць, за праўду. Нам важна і ў літаратуры, і ў кнігавыданні захаваць усё, што было даравана нашымі продкамі», - заявіў віцэ-прэм'ер Ігар Петрышэнка.

А на справе фестываль выглядае вось так:

На гэты раз арганізатарам таксама было заўважна цесна ў рамках традыцыйнай праграмы фестывалю. Вось як гэта растлумачыў афіцыёз:

- Дзень беларускага пісьменства ў Івацэвічах паказвае не толькі традыцыі. У тым ліку ў экспазіцыях зроблены акцэнты на 80-годдзі вызвалення Беларусі ад нямецка-фашысцкіх захопнікаў, 30-годдзі Канстытуцыі Рэспублікі Беларусь і 30-годдзі інстытута прэзідэнцтва.

У выніку госці фестывалю ўбачылі інсцэніроўку "вызвалення Івацэвіцкага раёна", выставу іржавай зброі часоў Другой сусветнай вайны.

І гіравіка Вячаслава Харанеку, які штурхае гіру ў гонар 80-годдзя вызвалення Беларусі.

Дарэчы, на вока арганізатарам: Івацэвіцкі раён быў утвораны ў 1947-м, праз тры гады пасля вызвалення краіны ад немцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com