УСУ спалілі дронамі «гняздо» акупантаў на Данбасе
2- 1.09.2024, 16:14
- 4,616
![УСУ спалілі дронамі «гняздо» акупантаў на Данбасе](https://i.c97.org/ai/609043/aux-head-1725196246-20240901_tornado_360.jpg)
Пад удар трапіла 120-я артылерыйская брыгада УС РФ.
Расейскі вайсковец паказаў на відэа наступствы нападу ўкраінскіх дронаў FPV на агнявы пункт каля сяла Навасёлаўка Першая ў Данбасе. У выніку налёту расейцы страцілі дзве адзінкі баявой тэхнікі і склад снарадаў.
Пад удар трапіла 120-я артылерыйская брыгада УС РФ. Атака дронаў прывяла да знішчэння бронеаўтамабіля Урал-63704 «Тарнада-У», гарматы 2А36 «Гіяцынт-Б» калібру 152 мм і арсеналу з карэктаванымі артылерыйскімі боепрыпасамі «Краснаполь». Уся тэхніка згарэла і аднаўленню не падлягае.
Вайсковец, які зняў відэа, адзначыў, што сродкі абароны ад дронаў аказаліся неэфектыўнымі, паведамляе тэлеграм-канал «Украіна 365».