БЧ пайшла на нечаканы крок праз вострую нястачу кадраў

На пастанову паўплывалі збоі ў раскладзе грузавых цягнікоў.

Беларуская чыгунка сутыкаецца з сур'ёзнай нястачай кадраў, асабліва ў аддзелах перавозак і гарантавання бяспекі. Супольнасць чыгуначнікаў Беларусі зазначае, што прычынай гэтага сталі кадравыя чысткі пасля 2020 года і захады ў аптымізацыі, накіраваныя на паляпшэнне фінансавага стану ва ўмовах зніжэння аб'ёмаў перавозак.

Згодна з унутранымі справаздачамі, колькасць збояў у раскладзе грузавых цягнікоў павялічваецца праз нястачу лакаматыўных брыгадаў. На пачатак ліпеня 2024 года штат машыністаў быў укамплектаваны толькі на 90,7% (306 адкрытых вакансій), а памочнікаў машыніста – на 82,7% (393 вакансіі). Для выканання актуальных задачаў патрабуецца яшчэ больш супрацоўнікаў – 724 чалавекі.

Кіраўніцтва Беларускай чыгункі прапануе скараціць тэрміны падрыхтоўкі і перападрыхтоўкі спецыялістаў, зменшыць неабходны стаж для пераводу на іншыя пасады, а таксама пашырыць практыку кіравання цягнікамі машыністамі без памочнікаў. Акрамя таго, разглядаецца магчымасць задзейнічання жанчынаў у працы ў лакаматыўных дэпо на пасадах памочнікаў машыністаў і машыністаў.

Хоць забарона на навучанне і працу жанчынаў у лакаматыўных брыгадах была знятая, на практыцы для гэтага пакуль не створаныя неабходныя ўмовы.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com