«Хтосьці шашлыкі замочвае?»

Відэа з мясам, што плыве ў вадаёме пад Смаргонню, збянтэжыла беларусаў.

Жыхарка Гарадзенскай вобласці зняла на відэа незвычайную карціну: у адным з вадаёмаў па дарозе ў вёску плавала шмат буйных кавалкаў мяса. Менш чым за суткі відэа набрала больш за 400 тысячаў праглядаў і больш за 600 каментароў ад карыстальнікаў, піша telegraf.news.

Дзіўнае відовішча беларуска заўважыла па дарозе ад возера Свір на вёску Дабраўляны пад Смаргонню (Гарадзенская вобласць). На невялікім адрэзку вады плавала сама меней з тузін кавалкаў мяса, падобнага на свініну.

«Якая прыгажосць! Свежае мяса. Прыходзь, забірай. Гэта норм?» – задалася пытаннем аўтарка відэароліка.

Карыстальнікі сацсеткі паставіліся да ўбачанага па-рознаму. Адны пастанавілі проста аджартавацца.

«Нехта шашлыкі замочвае», – пажартаваў адзін з каментатараў.

«Свіння на міну наступіла ці што?» – аджартаваўся іншы.

«Гэта сама падкормліваюць, яно праз тыдзень раскладацца пачне – найлепшы ласунак для самоў», – выказаў здагадку яшчэ адзін карыстальнік.

«Пратухла – вось і выкінулі», – выказаўся яшчэ нехта.

Іншыя ж каментатары сур'ёзна занепакоіліся.

«Жарты жартамі, а ўвогуле жудасна. Вось хутка нехта вылавіць і на рынку прадасць, магчыма, камусьці з нас. Бачылі ў навінах, як ялавічыну з магільнікаў прадавалі?» – напісаў адзін з каментатараў.

Некаторыя каментатары выказалі здагадку, што такім чынам нехта хоча размножыць «палачку» ці «свіную чумку».

«З гэтым відэа трэба звяртацца ў міліцыю. Хто ведае, якая там можа быць інфекцыя і як гэта павернецца навакольнаму асяроддзю», – заявіў яшчэ адзін карыстальнік.

«Куды коціцца свет? То хлеб на сметнік выкінуты, то мяса ў рэках плавае, а некаторыя людзі з голаду паміраюць. Дзе справядлівасць?» – абурылася адна з карыстальніцаў.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com