Украінскія дэсантнікі паказалі знішчэнне акупантаў у Ваўчанску
1- 1.09.2024, 17:33
- 3,666
![Украінскія дэсантнікі паказалі знішчэнне акупантаў у Ваўчанску](https://i.c97.org/ai/609049/aux-head-1725201220-20240901_volchansk_360.jpg)
За месяц – мінус амаль 1200 расейскіх вайскоўцаў.
У жніўні расейскае войска страціла блізу 1200 вайскоўцаў у раёне Ваўчанска, які знаходзіцца пад адказнасцю 71-й асобнай егерскай брыгады УСУ. Гэты лік уключае як забітых, так і параненых.
Як паведамляе тэлеграм-канал Дэсантна-штурмавых войскаў УСУ ў Telegram, байцы 71-й брыгады сістэматычна знішчаюць сілы ворага. Нягледзячы на сталыя спробы расейцаў папоўніць свае шэрагі, іх знаходжанне на лініі фронту аказваецца нядоўгім.
«Пасля кароткіх экскурсій па Ваўчанску акупанты вяртаюцца дадому 200-мі і 300-мі», – гаворыцца ў паведамленні.
Таксама вайскоўцы прадэманстравалі відэа, на якім паказанае знішчэнне расейскіх захопнікаў.