Археолагі знайшлі на раскопках пад Менскам «нечаканую знаходку» XI–XII стагоддзяў

Пра важнае адкрыццё расказалі ў Нацыянальнай акадэміі навук.

Археолагі знайшлі на раскопках гарадзішча на рацэ Менка ў Менскім раёне могілкі XI–XII стагоддзяў. Гэта сведчыць, што побач была размешчаная царква.

«Мы здзейснілі нечаканую знаходку, пра якую нават не маглі меркаваць. У куце профіля раскопу мы знайшлі сляды ног чалавека ў пахаванні. Мы пачалі раскрываць суседнія ямы і выявілі ў іх пахаванні», – расказаў загадчык аддзела археалогіі Сярэдніх вякоў і Новага часу Інстытута гісторыі Нацыянальнай акадэміі навук (НАН) Беларусі Андрэй Вайцяховіч.

Паводле ягоных словаў, спецыялісты знайшлі два поўныя пахаванні і фрагмент яшчэ аднаго. «Мы можам з упэўненасцю гаварыць, што гэтыя пахаванні XI–XII стагоддзяў», – адзначыў Вайцяховіч.

Ён расказаў, што ў старажытнарускіх гарадах могілкі ўнутры гарадскіх сценаў з'яўляліся толькі ў выпадку, калі ў гэтым горадзе была царква, таму што толькі каля яе сценаў можна было здзяйсняць пахаванні. На мясцовасці каля Менкі, прадоўжыў Вайцяховіч, быў храм недалёка ад уезду ў гарадзішча з заходняга боку.

«Тут маглі быць пахаваныя святары ці людзі, звязаныя з царквой. Гэта пакуль толькі здагадка, таму што ўсе пахаванні ідуць без інвентара», – расказаў прадстаўнік НАН.

Ён выказаў меркаванне, што тут, на гарадзішчы на Менцы, была самая старажытная хрысціянская царква ў гэтым рэгіёне, прычым, верагодна, драўляная, таму лакалізаваць яе будзе цяжка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com