Аляксандр Мусіенка: Вайна набліжаецца да генеральнай бітвы
6- 1.09.2024, 18:17
- 11,408
![Аляксандр Мусіенка: Вайна набліжаецца да генеральнай бітвы](https://i.c97.org/ai/558226/aux-head-1690987185-230802_musienka_360.jpeg)
Апошняй у рамках наступальнай кампаніі РФ.
Бітва за Пакроўск стане генеральнай і апошняй у рамках расейскага наступу, які прадаўжаецца з кастрычніка мінулага года, мяркуе Аляксандр Мусіенка, кіраўнік Цэнтра ваенна-прававых даследаванняў.
«Там цяпер ужо складаная сітуацыя, не простыя баі. Вораг сапраўды меў поспех за папярэднія некалькі тыдняў – больш імклівыя, чым раней. Усё ідзе да генеральнай маштабнай бітвы, якая можа адбыцца ў другой палове верасня – за Пакроўск. Думаю, што гэтая бітва можа стаць апошняй для расейскіх войскаў гэтай восенню і апошняй у межах іх наступальнай кампаніі, якая доўжыцца год, пачалася ў кастрычніку 2023 года з гэтага кірунку, з баёў за Аўдзееўку», – адзначыў Мусіенка ў эфіры Radio NV.
Ён таксама дадаў, што не трэба ўспрымаць сыход УСУ з пэўных пазіцый пад Пакроўскам як «татальную катастрофу»:
«Гэта вымушаны адыход, бо яшчэ стаіць пытанне захавання баяздольнасці падраздзяленняў. Мне здаецца, што цяпер, калі вядуцца баі на падыходах да Пакроўска, гэта як да асноўнай лініі абароны. Асноўная лінія абароны будзе ў гэтай бітве Пакроўск. І гэтая бітва пачнецца цягам найбліжэйшых некалькіх тыдняў. Усё пакажуць гэтыя баявыя дзеянні. Шанцы – адбіць гэтыя атакі – ва ўкраінскіх войскаў ёсць, хоць баі ідуць цяжкія».