Сіноптыкі папярэдзілі беларусаў аб «неспрыяльнай гідраметэаралагічнай з'яве»
1- 10.09.2024, 14:11
- 5,322
![Сіноптыкі папярэдзілі беларусаў аб «неспрыяльнай гідраметэаралагічнай з'яве»](https://i.c97.org/p/articles/2015/ai-172181-aux-head-20151006_les_360.jpg)
І ўвялі на два дні чырвоны ўзровень небяспекі.
Сіноптыкі Белгідрамета прадоўжылі яшчэ на два дні чырвоны ўзровень небяспекі з-за высокай рызыкі пажараў у трох абласцях Беларусі. Віной таму стала спякотнае і сухое надвор'е, якое ўсталявалася па ўсёй краіне з канца жніўня. Чакаецца, што "неспрыяльная гідраметэаралагічная з'ява" захаваецца 11-12 верасня на тэрыторыі Гомельскай, Магілёўскай і Берасцейскай абласцей.
Са слоў спецыялістаў, надзвычайная пажарная небяспека (5-ы клас пажарнай небяспекі) захаваецца на працягу як мінімум серады і чацвярга, 11-12 верасня. Папярэджанне выпісалі для Гомельскай, Магілёўскай і Берасцейскай абласцей. Дарэчы, гэта Белгідрамет робіць ужо не ўпершыню.
У сувязі з пагаршэннем пажаранебяспечнай сітуацыі ў краіне ўвялі абмежаванні і забароны на наведванне лясоў, за парушэнне якіх пагражае штраф. Актуальную інфармацыю аб стане беларускіх лясоў можна паглядзець на сайце Міністэрства лясной гаспадаркі, гэта значыць тут. Важна: інтэрактыўная карта ўвесь час абнаўляецца.