На Альманскіх балотах гарыць 70 гектараў тэрыторыі
- 10.09.2024, 16:19
- 1,682
![На Альманскіх балотах гарыць 70 гектараў тэрыторыі](https://i.c97.org/ai/610154/aux-head-1725974393-20240910_fire_les_360.jpg)
Пажар плануюць патушыць падвечар.
Увечары, 9 верасня, на Альманскіх балотах пачаўся пажар. Яго пляц прыблізна складае амаль 70 гектараў, а патушыць яго плануюць да вечара, піша «Белта» са спасылкай на міністра лясной гаспадаркі Аляксандра Куліка.
«Узгаранне вялікае, асноўная частка яго - на балоце. Лясныя землі мы пакуль баронім. На жаль, некаторыя адцінкі, дзе ёсць багун, нізкабанітэтная хвоя, не далі нам падступіцца мінулай ноччу. Але, думаю, што сёння да вечара мы гэтыя працы скончым», - распавёў Кулік.
З яго слоў, пры тушэнні пажару задзейнічаныя 110 чалавек і восем пажарных машын. Таксама прыцягнулі авіяцыю: два верталёты Мі-8 і Мі-17.