Сур'ёзная аварыя ў Лідскім раёне: легкавушцы адарвала дах пасля сутыкнення з аўто дарожнікаў
- 10.09.2024, 16:33
- 4,504
![Сур'ёзная аварыя ў Лідскім раёне: легкавушцы адарвала дах пасля сутыкнення з аўто дарожнікаў](https://i.c97.org/ai/610156/aux-head-1725975104-20240910_dtp_360.jpg)
Кіроўца загінуў.
Кіроўца легкавушкі загінуў падчас сутыкнення з машынай дарожнікаў у Лідскім раёне. Як паведамілі ў ДАІ УУС Гарадзенскага аблвыканкама, надзвычайнае здарэнне адбылося 10 верасня блізу 13.00 на 194-м кіламетры трасы М6 Менск — Гародня.
Папярэдне ўстаноўлена, што 44-гадовы кіроўца Skoda ехаў у накірунку Менска. Пры абгоне цяжкавіка паблізу вёскі Шпілек ён рэзнуўся ў машыну прыкрыцця работнікаў дарожных службаў, якія стаялі і праводзілі абслугоўванне бетонных блокаў на раздзяляльнай паласе.
У выніку ДТЗ кіроўца Skoda ад атрыманых цялесных пашкоджанняў памёр на месцы здарэння. Людзі, якія знаходзіліся ў салоне ГАЗ і ля раздзяляльнай паласы, у аварыі не пацярпелі.
![](https://i.c97.org/ai/610156/aux-1725975018-478cb3da-c4cb-407a-861f-9bf695a18b89.jpg)
![](https://i.c97.org/ai/610156/aux-1725975018-photo_2024-09-10_14-45-24.jpg)
![](https://i.c97.org/ai/610156/aux-1725975018-photo_2024-09-10_13-30-18.jpg)