Эксперт: У Курскай вобласці РФ дывановымі бамбаваннямі знішчае свае населеныя пункты
8- 10.09.2024, 17:11
- 5,782
![Эксперт: У Курскай вобласці РФ дывановымі бамбаваннямі знішчае свае населеныя пункты](https://i.c97.org/ai/606592/aux-head-1723542346-20240326_media_2.jpg)
Крэмль не лічыцца са спадарожнымі стратамі.
Курская аперацыя УСУ прадэманстравала, што войска РФ дывановымі бамбаваннямі знішчае свае населеныя пункты і не лічыцца са спадарожнымі стратамі. Пра гэта FREEДОМ распавёў украінскі ваенны эксперт Уладзіслаў Селязнёў.
Ён звярнуў увагу, што паведамленні афіцыйных спікераў украінскага войска наконт аперацыі ў Курскай вобласці вельмі скупыя, а інфармацыя расейскіх чыноўнікаў і прапагандыстаў супярэчлівая.
«Безумоўна, там адбываюцца дастаткова жорсткія баявыя сутыкненні. Комплекс сіл і сродкаў украінскага войска ўжо зараз адцягвае на сябе вялікую колькасць варожых рэсурсаў. І ўжо зараз мы фіксуем наступны факт: расейскае войска, расейская авіяцыя, у першую чаргу, сістэмна і метадычна знішчае свае населеныя пункты. Знішчае ў рамках дывановых бамбаванняў.
Да гэтай місіі далучаюцца і расейскія ж артылерысты, якія вядуць дывановыя бамбаванні і наносяць артылерыйскія ўдары па населеных пунктах, дзе ўсё яшчэ знаходзяцца грамадзяне Расейскай Федэрацыі. Пра што гэта гаворыць? Расейцы абсалютна не звяртаюць увагі на так званыя спадарожныя страты», - сказаў Селязнёў.
Ён падкрэсліў, што фактычна РФ распісалася ва ўласнай няздольнасці якасна арганізаваць мерапрыемствы цывільнай абароны.
«Што ж тычыцца перспектывы расейска-ўкраінскага супрацьстаяння на тэрыторыі Курскай вобласці, то тут, як па мне, адказ відавочны - усё будзе залежаць ад рэсурсаў. Калі расейцы змогуць нацягнуць дастатковую колькасць сіл і сродкаў для таго, каб заблакаваць пашырэнне ўкраінскага плацдарма на тэрыторыі Курскай вобласці, калі яны будуць здольныя арганізаваць эфектыўныя контрнаступальныя дзеянні...», - сказаў ваенны эксперт.
Селязнёў уважае Курскую аперацыю складнікам дзеянняў украінскага войска ў рамках стратэгічнай абароны.
«І нават калі нам давядзецца там праводзіць манеўраную абарону, у кожным выпадку страты расейскага войска будуць катастрафічнага фармату і ўзроўню», — прагназуе ён.