Стынг і Снуп Дог анансавалі супольны рэмікс на вядомую кампазіцыю
- 10.09.2024, 20:43
- 1,586
![Стынг і Снуп Дог анансавалі супольны рэмікс на вядомую кампазіцыю](https://i.c97.org/ai/610189/aux-head-1725990204-20240101_brent_360.jpg)
Стынг таксама падзяліўся датай прэм'еры.
Падчас выступу на BBC Radio 2 Стынг анансаваў будучае супрацоўніцтва з хіп-хоп-артыстам Снупам Догам, паведамляе Daily Mail..
Стынг расказаў, што працуе са Снупам Догам над рэмікс-версіяй «Message In The Bottle», якая павінна выйсці ў лістападзе.
«Мы са Снупам запісалі песню “Message In A Bottle”, якую ён назваў інакш. Я граў на гітары і спяваў, Снуп таксама спяваў, для мяне ён з'яўляецца сапраўдным адкрыццём. Ён вельмі добры чалавек», – падзяліўся спявак.
Таксама ён прызнаўся, што ягоная галоўная мэта як спевака і музыкі складаецца ў тым, каб ствараць музыку, якую людзі «проста будуць слухаць вечна».
«Мне падабаецца граць хіты, я сапраўды гэта люблю, але гэта мая праца – праспяваць песню, якую я, магчыма, напісаў 40 гадоў таму, з такім самым запалам, такой самай цікавасцю, энэргіяй, быццам я напісаў яе сёння», – дадаў артыст.