У Латвіі будуць канфіскоўваць машыны з беларускімі нумарамі
7- 10.09.2024, 21:32
- 6,106
![У Латвіі будуць канфіскоўваць машыны з беларускімі нумарамі](https://i.c97.org/ai/412789/aux-head-1614282758-20210225_latwia_360.gif)
Цяпер афіцыйна.
Сойм Латвіі прыняў папраўкі да Закона аб дарожным руху. Згодна з дакументам, неабходна перарэгістраваць або вывезці з краіны аўто з беларускімі нумарамі.
Зрабіць гэта трэба да 31 кастрычніка. У адваротным выпадку машыну могуць канфіскаваць.
Нагадаем, з 16 ліпеня пачала дзеянне забарона на ўезд у Латвію для машынаў з беларускімі нумарамі. Пасля гэтага ўезд легкавых аўтамабіляў з беларускімі нумарамі забараніла Літва.
Раней таксама стала вядома, што Польшча не збіраецца забараняць уезд легкавых машынаў з беларускімі нумарамі.