Гіркіну адмовілі ў адпраўцы на вайну ва Украіну

"Палкоўнікі" не патрэбныя.

Былому "міністру абароны ДНР" Ігару Гіркіну (Стралкову), які прысуджаны ў Расеі да чатырох гадоў калоніі ў справе аб закліках да экстрэмізму, двойчы адмовілі ў адпраўцы з калоніі на вайну ва Украіну.

“Тут даволі шмат людзей “узрадавалі” мяне паведамленнямі, што ў інтэрнэце паведамляецца аб тым, што я нібыта “падпісаў кантракт” на вайну. Зняпраўдзі гэта афіцыйна: паведамі, што я звяртаўся да прадстаўнікоў вайсковага камісарыяту, якія наведваюць ПК, але двойчы атрымаў адмову нават у прыняцці ад мяне заявы. Адзін раз - з тлумачэннем "палкоўнікі нам не патрэбныя" - нават артыкул у якасці матыву адмовы не згадвалі. Пакуль нічога ў гэтым плане не змянілася”, - цытуе ліст Гіркіна ягоная жонка Міраслава Рэгінская.

Раней пракрамлёўскі тэлеграм-канал SHOT пісаў, што Гіркін выходзіць з калоніі і адпраўляецца на вайну з Украінай. Тады паведамлялася, што адвакатам “экс-міністра абароны ДНР” удалося дабіцца адпаведнага дазволу ўсіх профільных ведамстваў, у выніку яму замянілі пазбаўленне волі на ваенную службу.

"Фактычна гэтае пытанне ўжо развязанае, застаўся толькі шэраг фармальнасцяў", – пісаў SHOT 6 верасня.

У той жа дзень гэтую інфармацыю зняпраўдзіла ягоная жонка:

“Інфармацыя аб тым, што Ігар Стралкоў выходзіць з калоніі і адпраўляецца на СВА, не адпавядае рэчаіснасці і з'яўляецца фэйкам. Абарона Ігара Іванавіча і ягоная сям'я не маюць такой інфармацыі”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com