У Маскве знайшлі 12-гадовую беларуску, якая ніколі не хадзіла ў школу
8- 11.09.2024, 15:37
- 5,986
![У Маскве знайшлі 12-гадовую беларуску, якая ніколі не хадзіла ў школу](https://i.c97.org/ai/572283/aux-head-1700484347-20231120_moskva_dwa_360.jpg)
Маці пазбавяць бацькоўскіх правоў.
Суд пазбавіў бацькоўскіх правоў беларуску, якая ўхілялася ад выхавання сваёй 12-гадовай дачкі. Дзяўчынка ніколі не хадзіла ў школу, а замест гэтага бадзялася з маці па Маскве, паведамляецца на сайце Генпракуратуры.
“З нараджэння дзяўчынка пражывала з маці ў Маскве, бацька з сям'ёй ніколі не пражываў. Пастаяннага месца жыхарства яны не мелі, знаходзіліся ў знаёмых і сяброў маці. Дзяўчынка ніколі не наведвала ўстановы адукацыі. Спасцігаць асновы чытання, пісьма і матэматыкі ёй дапамагаў ейны старэйшы брат», - распавялі ў Генпракуратуры.
Там дадалі, што з траўня да лістапада2023 года дзяўчынка-падлетак знаходзілася ў сацыяльна-рэабілітацыйным цэнтры для непаўналетніх у Маскве. У снежні 2023 года яе перавялі ў адну з устаноў адукацыі Івацэвіцкага раёна.
У пракуратуры адзначылі, што маці не цікавілася дачкой, пакуль тая была ў прытулку. У сувязі з гэтым пракурор Івацэвіцкага раёна папрасіў суд пазбавіць жанчыну бацькоўскіх правоў. Суд задаволіў гэтае патрабаванне. Дзяўчынка перададзеная на дзяржаўнае забеспячэнне.