Нізкі ўзровень Дуная адкрыў патанулыя караблі ў Сербіі і Вугоршчыне
3- 11.09.2024, 17:03
- 9,884
Засуха прывяла да падзення ўзроўню вады ў рацэ.
У Сербіі і Вугоршчыне зніжэнне ўзроўню вады ў Дунаі адкрыла для грамадскасці абломкі вайсковых караблёў, затопленых падчас Другой сусветнай, паведаміла агенцтва Reuters.
Абломкі нацысцкіх караблёў з'явіліся паблізу сербскага рачнога порта Прахава пасля засухі ў ліпені і жніўні, якая прывяла да падзення ўзроўню вады ў рацэ.
The wrecks of explosives-laden Nazi ships sunk in the River Danube during World War Two have emerged near Serbia's river port town of Prahovo, after a drought in July and August that saw the river's water level drop https://t.co/ChbmfhvvR3 pic.twitter.com/2dbUUkH6hZ
— Reuters (@Reuters) September 10, 2024
Чатыры судны таксама былі знойдзены ў вугорскім нацыянальным парку Дунай-Драва паблізу горада Махач, дзе ў аўторак узровень вады ў Дунаі складаў усяго 1,5 метра, што стала вынікам моцнай спякоты і працяглай засухі ў ліпені і жніўні.
Судна, знойдзеныя ў Прахаве, былі аднымі з сотняў, патопленых нацыстамі ў 1944 годзе, калі яны адступалі перад наступам савецкімі войскаў, знішчаючы караблі. Абломкі могуць перашкаджаць рачному руху падчас нізкага ўзроўню вады.
Некаторыя з караблёў, якія былі раскіданыя па рэчышчы ракі, усё яшчэ маюць вежы, камандныя масткі, зламаныя мачты і скручаныя карпусы, у той час як іншыя ў асноўным ляжаць пад пясчанымі водмелямі.
У аўторак узровень Дуная ў Будапешце склаў 1,17 метра ў параўнанні з рэкордна нізкім паказчыкам 0,4 метра, зарэгістраваным у кастрычніку 2018 года. Падчас паводак Дунай паднімаецца значна вышэй за 6 метраў.
"Усходняя Еўропа перажывае крытычныя ўмовы засухі, якія ўплываюць на пасевы і расліннасць", – гаворыцца на сайце еўрапейскай кліматычнай службы Copernicus у апошняй справаздачы пра засуху, апублікаванай у пачатку гэтага месяца.
У панядзелак пачаліся доўгачаканыя дажджы, якія, як чакаецца, да выходных узнімуць узровень Дуная прыкладна да трох метраў у Махачы, і рака, магчыма, зноў затопіць патанулыя караблі.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
