Пуцін даручыў рыхтаваць забарону на вываз з РФ урану, тытану і нікелю

Дыктатар РФ хоча такім чынам адказаць на санкцыі Захаду.

Ужо адрэзаная санкцыямі ад заходніх рынкаў нафты, сталі і вугалю расейская эканоміка можа страціць магчымасць экспартаваць запатрабаваныя ў свеце ключавыя каляровыя металы.

Ураду Расеі трэба прапрацаваць пытанне аб абмежаваннях на продаж за мяжу ўрану, тытану і нікелю, заявіў у сераду дыктатар РФ Уладзімір Пуцін. Паводле ягоных словаў, магчымыя экспартныя забароны павінны стаць адказам на санкцыі, якія забараняюць пастаўку шэрагу тавараў у РФ.

«Міхаіл Уладзіміравіч (Мішусцін), у мяне да вас просьба, – сказаў Пуцін, звяртаючыся да расейскага прэм'ера на нарадзе з чальцамі кабміна. – Вы паглядзіце, калі ласка, вось, некаторыя віды тавараў, якія мы пастаўляем на сусветны рынак… Да нас абмяжоўваюць пастаўкі шэрагу тавараў, але, магчыма, нам таксама падумаць пра пэўныя абмежаванні – уран, тытан, нікель».

Пуцін дадаў, што Расея з'яўляецца «лідаркай у запасе шэрагу стратэгічных відаў сыравіны», уключаючы прыродны газ (22% сусветных запасаў), золата (23%) і дыяменты (55%). «Калі гэта нам шкодзіць не будзе, то можна было б падумаць, я не кажу, што заўтра трэба гэта зрабіць, але падумаць і над пэўнымі абмежаваннямі паставак на знешні рынак», – сказаў Пуцін (цытаты паводле сайта Крамля).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com