У Японіі мужчыну арыштавалі за тое, што ён тэлефанаваў жонцы 100 разоў на дзень

Ён растлумачыў, што не хацеў нічога дрэннага, а ўсяго толькі выказваў сваё каханне да жонкі.

У пачатку ліпеня 31-гадовай японцы пачалі паступаць загадкавыя званкі. Суразмоўца не вымаўляў ні слова, а толькі цяжка дыхаў у трубку. Заблакаваць яго жанчына не магла, бо нумар не адбіваўся. Жыхарка горада Амагасакі была вымушаная звярнуцца ў паліцыю, якая падчас расследаванняў прыйшла да нечаканага выніку. Сямейнай драмай падзялілася выданне Sora News.

Да таго як звярнуцца па дапамогу, дзяўчына нейкі час трывала: пункт кіпення наступіў, калі колькасць званкоў за дзень пераваліла за сотню. Адзіны плюс быў у тым, што тэлефон маўчаў уначы. Пазней гэтаму знайшлося тлумачэнне, бо яе муж у гэты час знаходзіўся побач – менавіта ён і быў сталкерам.

Сам мужчына растлумачыў, што не хацеў нічога дрэннага, а ўсяго толькі выказваў сваё каханне да жонкі з дапамогай маўчання. Цяпер ён арыштаваны паводле абвінавачання ў пераследзе.

Паліцыя правінцыі адзначыла, што гэта першы выпадак у іхняй практыцы арышту мужчыны за пераслед жонкі ў той час, калі яны ўсё яшчэ жывуць разам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com