У жыхароў «Маяка Менска» амаль суткі з кранаў цячэ брудная вада

Фотафакт.

Жыхары некалькіх дамоў сталічнага жылога комплексу «Маяк Менска» амаль суткі скардзяцца на брудную ваду, якая цячэ з-пад крана. Высветлілася, што ў сетцы «Менскводаканала» спынілася абсталяванне, цяпер праблему ліквідуюць, паведамляюць «Менск-Навіны».

Сітуацыя ўзнікла ўвечары 10 верасня: у дамах на вул. К. Тураўскага і П. Мсціслаўца з кранаў пацякла брудная вада. Паводле словаў жыхароў, «на нейкай помпавай станцыі было пераключэнне, учора “аварыйка” мыла сістэму водазабеспячэння, відаць, не дамыла».

Раніцай 11 верасня прыехала машына з пітной вадой. Сама ж прычына надзвычайнага здарэння стала вядомая ўжо вечарам.

Высветлілася, што на магістральнай сетцы «Менскводаканала» адбылося спыненне абсталявання павышальных помпавых станцый. Цяпер праводзяцца працы для ўхілення праблемы, забяспечаны падвоз вады ў цыстэрне для жыхароў.

Пасля заканчэння працаў дадаткова правядуць прамыванне ўнутрыдамавых сістэмаў. Таксама Цэнтр гігіены і эпідэміялогіі Першамайскага раёна Менска возьме спробы вады для праверкі.

Праблема знаходзіцца на кантролі адміністрацыі раёна.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com