Зяленскі пра перамовы з Расеяй: Я не даваў ніякіх паўнамоцтваў

Прэзідэнт Украіны падкрэсліў, што сапраўдны мір не можа мець ніякіх альтэрнатываў.

Прэзідэнт Украіны Уладзімір Зяленскі заявіў, што не даваў ніякіх паўнамоцтваў для пачатку перамоваў Расеі з Украінай. Кіраўнік дзяржавы падкрэсліў, што гэты мір не можа мець ніякіх альтэрнатываў.

«Ніякіх замарожаных акупацый! Ніякіх кінутых у палоне людзей!» – сказаў Зяленскі падчас прэс-канферэнцыі ў Кіеве, паведамляе РБК-Украіна.

Журналісты падкрэслілі, што цяпер «цыркулюе шмат размоваў» пра перамовы з расейцамі. Акрамя таго, пра гэта паведамляюць краіны, з якімі Украіна супрацоўнічае, сярод іншых Катар і Турцыя. У прэзідэнта спыталі, наколькі сур'ёзныя гэтыя размовы і калі б маглі адбыцца перамовы.

«Каб размаўляць з расейцамі, патрэбныя паўнамоцтвы, я нікому іх не даваў», – сказаў Зяленскі.

9 верасня замежныя СМІ паведамілі, што канцлер Нямеччыны Олаф Шольц рыхтуе «мірны план» для Украіны, які нібыта прадугледжвае захаванне за Расеяй раней захопленых украінскіх тэрыторый.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com