У расейскім Омску гарыць танкавы завод
2- 12.09.2024, 11:50
- 5,960
![У расейскім Омску гарыць танкавы завод](https://i.c97.org/ai/610403/aux-head-1726130981-20240912_omsktransmash_360.jpg)
Прадпрыемства знаходзіцца пад заходнімі санкцыямі.
У расейскім Омску 12 верасня ўдзень загарэўся дах цэха найстарэйшага ў Сібірскім рэгіёне завода «Омсктрансмаш». Пра гэта ў сваім тэлеграме-канале паведаміў омскі губернатар Віталь Хаценка.
Згодна з аператыўнай інфармацыяй галоўнай управы МНС Омскай вобласці, да тушэння пажару прыцягнуты 61 чалавек і 18 адзінак тэхнікі.
Як адзначылі «Ведомости», Омскі завод уваходзіць у ДК «Растэх». На заводзе вырабляюць тэхніку вайсковага прызначэння (танкі), дарожна-будаўнічыя машыны, нафтагазаздабываючае абсталяванне і чыгуначную тэхніку. З 2022 г. завод знаходзіцца пад міжнароднымі санкцыямі ўсіх краін Еўразвяза, ЗША, Японіі, Канады, Украіны і Швэйцарыі.
![](https://i.c97.org/ai/610403/aux-1726130879-yt240912_06.jpg)
![](https://i.c97.org/ai/610403/aux-1726130879-yt240912_07.jpg)
![](https://i.c97.org/ai/610403/aux-1726130879-yt240912_08.jpg)