Дроны другі дзень запар атакавалі аэрадром «Аленья» ў РФ
- 12.09.2024, 12:05
- 2,888
![Дроны другі дзень запар атакавалі аэрадром «Аленья» ў РФ](https://i.c97.org/ai/610258/aux-head-1726048519-2024_09_11_olenja_360.png)
У Мурманскай вобласці ўведзены план «Дыван».
У Мурманскай вобласці Расейскай Федэрацыі (РФ) другі дзень запар скардзяцца на атаку дронаў. Нібыта, пару беспілотных лятальных апаратаў (БПЛА) было збіта каля аэрадрома «Аленья».
Пра гэта паведамляе Telegram-канал Mash.
Праз напад дронаў у двух аэрапортах Мурманскай вобласці («Мурмашы» і «Хібіны») быў уведзены план «Дыван».
Дарэчы, нібыта, два дроны былі збітыя за 7 кіламетраў ад аэрадрома «Аленья» ў Аленегорску.
![](https://i.c97.org/ai/610404/aux-1726131671-_2024-09-12_110756689.png)
Варта дадаць, што ўчора, 11 верасня, расейцы ўжо скардзіліся на напад дронаў у Мурманскай вобласці. БПЛА былі выяўленыя ў раёне Севераморска, дзе размешчаная галоўная вайскова-марская база Паўночнага флоту РФ.
Дарэчы, былі закрытыя два аэрапорты - Мурманска і Апатытаў.