Падпалкоўніка міліцыі з Ліды абвінавачваюць у здрадзе дзяржаве
3- 12.09.2024, 14:18
- 8,638
![Падпалкоўніка міліцыі з Ліды абвінавачваюць у здрадзе дзяржаве](https://i.c97.org/ai/390118/aux-head-1597832120-202020819_polkownik-t.jpg)
Ён расказаў аб гвалце сілавікоў.
Падпалкоўніка міліцыі з Ліды Юрыя Махнача, які расказаў пра гвалт сілавікоў, завочна абвінавачваюць у здрадзе дзяржаве (частка 1 артыкула 356 КК), паведамляе «Гарадзенская праваабарона».
Першае пасяджэнне ў справе Махнача прызначанае на 23 верасня ў Гарадзенскім абласным судзе.
У жніўні 2020 года міліцыянт распавёў пра збіццё людзей у Лідскім РУУС, у аўтазаках і на аўтамыйцы ў службовым гаражы ўправы. Ён падаў у адстаўку і з'ехаў у Польшчу.