«А як жыць з заробкам 700 рублёў?»
8- 12.09.2024, 20:16
- 9,080
Беларуска паказала выдаткі за месяц – гэта выклікала бурнае абмеркаванне.
Беларуска палічыла, колькі яе сям'я выдаткавала ў жніўні, і расказала ў TikTok, на што пайшлі грошы. Гэта выклікала розную рэакцыю каментатараў.
У жніўні Іванна (імя змененае) вяла ўлік выдаткаў сваёй сям'і, якая складаецца з чатырох чалавек – дваіх дарослых і дваіх дзяцей. Як яна паказала, «плюс кот». Сваімі падлікамі яна падзялілася ў TikTok. Паводле ейных словаў, сям'я за месяц выдаткавала блізу 4540 рублёў. Але варта адзначыць, што ў гэтую суму беларуска ўключыла не толькі траты, але і ашчаджэнні, піша «Люстэрка».
Самым вялікім артыкулам выдаткаў былі прадукты. На іх у жніўні сям'я выдаткавала прыкладна 1000 рублёў. Але яшчэ больш сям'я адклала: набылі 400 даляраў, на што вылучылі блізу 1300 рублёў.
Іншыя выдаткі былі меншыя:
270 рублёў сям'я заплаціла паводле картаў растэрміноўкі;
230 рублёў пайшлі на квартплату (камунальныя і г. д.);
90 рублёў – мабільная сувязь;
250 рублёў за месяц жанчына вылучыла на манікюр, педыкюр і касметолага;
720 рублёў патрацілі на адзенне (рыхтавалі дзяцей да школы);
140 рублёў – гаспадарчыя тавары;
140 рублёў пайшлі на паліва для двух аўтамабіляў;
200 рублёў вылучылі на дзіцячыя забаўкі;
50 рублёў адклала на ашчаджэнні для дзяцей (усяго 100 рублёў);
100 рублёў пайшло на розныя іншыя мэты.
Калі адабраць ад гэтай сумы ашчаджэнні, то выдаткі ў сярэднім на чальца сям'і атрымліваюцца 785 рублёў.
Тым не менш меркаванні каментатараў падзяліліся: адны дзівіліся вялікім выдаткам, а іншыя, наадварот, таму, як у сям'і атрымоўваецца выдаткоўваць не так шмат на харчаванне.
Вось некаторыя каментары:
«Ну, хораша жыць не забароніш, што тут сказаць, скарбонка 400 і б'юці кожны месяц, няблага».
«На чацвёртым пункце мой заробак скончыўся».
«Як вы выдаткоўваеце на ежу, на чацвярых усяго толькі 1000!!! Навучыце мяне! Адзін паход у краму – 45–60 рублёў. І гэта на адзін дзень. Нас таксама чацвёра (я, муж, двое падлеткаў). Мы не ямо ікру. Усё стандартна. Не разумею».
«Я вам пазайздросціла белай зайздрасцю, 140 рублёў на два аўтамабілі. У нас на два сыходзіць ад 200 да 300 за месяц».
«Мяне здзіўляюць каментары тыпу “палову можна прыбраць”. Чалавек працуе, каб жыць добра, навошта яму нешта прыбіраць? І наконт заробку: усім бы такі».
«Пайшоўшы ў дэкрэт, страцілі 800 рублёў прыбытку ў сям'ю, але нічога не змянілася ўвогуле. Зрабілі выснову, што тупа прас**алі 800 рублёў».
«Дык гэта калі машыны не ламаліся і не хварэў ніхто. Без вяселляў і святаў. У Беларусі жыць вельмі дорага».
«У мяне амаль такі самы спіс. Толькі замест адкладвання ў скрыначку амаль 600 рублёў арэнды плачу. І не слухайце тых, хто кажа, што палову пунктаў можна прыбраць. Няхай прыбяруць сваё меркаванне і ідуць працаваць».
«Калі я жнівень падсумую, у мужа, падатковай, Следчага камітэта і АБЭЗ да мяне ўзнікнуць вялікія пытанні».
«А як жыць з заробкам 700 рублёў? А такія, як у вас, заробкі не ў многіх».
«Як мы выжываем на 1200 рублёў – сям'я з чатырох чалавек? Скрыначак, б'юці і забаваў у нас, вядома ж, няма».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
