Пуцін: Высокадакладныя ўдары Украіны па РФ будуць азначаць, што NATO, ЗША і ЕЗ ваююць з Расеяй

Пры гэтым дыктатар РФ мяркуе, што УСУ не ў стане наносіць удары высокадакладнымі сістэмамі.

Украінскае войска можа біць высокадакладнай заходняй зброяй вялікай далёкасці толькі з дапамогай «натаўскіх спадарожнікаў». І калі Украіне дазволяць наносіць такія ўдары па тэрыторыі Расеі, гэта будзе азначаць прамы ўдзел NATO, ЗША і ЕЗ у вайне. Пра гэта кіраўнік РФ Уладзімір Пуцін заявіў 12 верасня на форуме ў Санкт-Пецярбургу, паведамляе прэс-служба Крамля.

Пуцін мяркуе, што ўкраінскае войска не ў стане наносіць удары сучаснымі высокадакладнымі сістэмамі вялікай далёкасці заходняй вытворчасці.

– Гэта магчыма толькі з выкарыстаннем разведдадзеных са спадарожнікаў, якіх Украіна не мае, гэта звесткі толькі са спадарожнікаў або Еўразвязу, або Злучаных Штатаў – увогуле, з натаўскіх спадарожнікаў, – заявіў ён.

Ключавым момантам Пуцін назваў тое, што «палётныя заданні ў гэтыя ракетныя сістэмы могуць, у сутнасці, уносіць толькі вайскоўцы краінаў NATO», а ўкраінскія вайскоўцы «рабіць гэтага не могуць».

На ягоную думку, калі Украіне дазволяць біць па тэрыторыі Расеі высокадакладнай зброяй, «гэта будзе азначаць не што іншае, як прамы ўдзел краінаў NATO, Злучаных Штатаў, еўрапейскіх краінаў» у вайне ва Украіне.

– Гэта іх прамы ўдзел, і гэта ўжо, вядома, істотным чынам мяняе саму сутнасць, саму прыроду канфлікту, – падкрэсліў прэзідэнт РФ.

Чым канкрэтна такая пастанова можа пагражаць заходнім краінам, Пуцін не ўдакладніў. Аднак, дадаў ён, «гэта будзе азначаць, што краіны NATO, ЗША, еўрапейскія краіны ваююць з Расеяй».

– А калі гэта так, то, маючы на ўвазе змяненне самой сутнасці гэтага канфлікту, мы будзем прымаць адпаведныя пастановы, зыходзячы з тых пагрозаў, якія нам будуць стварацца, – паабяцаў палітык.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com