Эксперт назваў галоўнае слабое месца «плана Трампа» ў заканчэнні вайны ва Украіне
14- 13.09.2024, 20:55
- 5,006
Сярод іншага ў ім не стае канкрэтыкі.
Кандыдат у прэзідэнты ЗША Дональд Трамп сцвярджае, што расейскі дыктатар Уладзімір Пуцін нібыта хоча перамоваў з Украінай. Аднак пакуль гэта сумнеўная тэза.
Апытаныя «РБК-Україна» ваенныя эксперты схіляюцца да таго, што агучаныя кандыдатам у віцэ-прэзідэнты ЗША ад Рэспубліканскай партыі Джэй Ды Вэнсам палажэнні так званага «плану Трампа» неадэкватныя. Таму Украіна ні ў якім разе не пагодзіцца з тым, што ўнутры краіны будзе расцэнена не як перамога, а як капітуляцыя.
Кіраўнік Інстытута Амерыканістыкі, аналітык «Інтэрньюз-Украіна» Уладзіслаў Фарапонаў у сваю чаргу назваў галоўную слабасць «плану Трампа».
«Украіне не стае канкрэтыкі, як ён збіраецца ціснуць на Пуціна, калі той не захоча перамоваў. Трамп выходзіць з аксіёмай, што расейскі дыктатар нібыта хоча. Пакуль гэта сумнеўная тэза. Пакуль мы нічога не пачулі ад Трампа на гэты конт, таму не можам прадметна разглядаць план», – сказаў ён.
Эксперт адзначыў, што ўкраінскім уладам не так прынцыпова, хто будзе ініцыятарам перамоваў. Галоўнае – на якіх умовах.
План Трампа
Чуткі пра так званы «план Трампа» для заканчэння вайны ва Украіне распаўсюдзіліся яшчэ ў лістападзе 2023 года.
«Я хачу, каб усе перасталі паміраць – расейцы і ўкраінцы. І зраблю гэта праз 24 гадзіны», – аднойчы заявіў Трамп.
Аднак у сваіх публічных абяцаннях скончыць з вайной Трамп дэманстрацыйна хавае дэталі таго, як ён будзе весці перамовы з лідарамі Расеі і Украіны.
Учора кандыдат у віцэ-прэзідэнты ЗША Джэй Ды Вэнс падзяліўся сваёй візіяй «плану Трампа», які, у сутнасці, можа азначаць капітуляцыю Украіны.
Паводле ягоных словаў, план можа прадугледжваць стварэнне «дэмілітарызаванай зоны» на акупаваных Расеяй украінскіх тэрыторыях. А Украіна ў гэты час павінна будзе адмовіцца ад уступлення ў NATO.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
