Der Spiegel: Пуцін ездзіў у Манголію да шаманаў

Дыктатару РФ нібы спатрэбілася блаславенне шаманаў на ўжыванне ядзернай зброі.

Паводле чутак, якія пераказвае былы журналіст «Коммерсанта», экс-галоўны рэдактар «Дажджу» і пісьменнік Міхаіл Зыгар, сапраўднай мэтай паездкі Уладзіміра Пуціна ў Манголію ў пачатку верасня была сустрэча з шаманамі. Паводле словаў Зыгара, гэтую версію абмяркоўваюць крыніцы, блізкія да Крамля. Сваёй інфармацыяй Зыгар дзеліцца ў калонцы, апублікаванай у аўтарытэтным нямецкім часопісе Der Spiegel, паведамляе «Агенцтва».

Зыгар пераказвае крамлёўскія чуткі, што Пуціну спатрэбілася блаславенне шаманаў на выкарыстанне ядзернай зброі. І нібыта Пуцін вярнуўся з Манголіі задаволеным, піша экс-галоўрэд «Дажджу».

Зыгар звяртае ўвагу на тое, што Манголія і Тува, дзе Пуцін пабываў да паездкі ва Улан-Батар, называюцца радзімай самых магутных шаманаў свету. Пісьменнік нагадвае, што Пуцін даўно вядомы сваім асаблівым стаўленнем да містыкі, у тым ліку праваслаўнай.

Перад пачаткам вайны з Украінай Пуцін таксама кансультаваўся з рознымі містыкамі, піша Зыгар са спасылкай на крыніцу, блізкую да Крамля. Паводле словаў суразмоўцы, усе яны прадказвалі перамогу Расеі.

Пра пацверджанне чутак пра магчымае захапленне Пуціна шаманізмам Зыгар згадвае расследаванне «Праекту», у якім гаворыцца, як падчас паездак на Алтай Пуцін прымаў крывавыя ванны з экстрактам зрэзаных рагоў алтайскіх маралаў.

Акрамя таго, у калонцы Зыгара згадваецца інтэрв'ю прафесара Валерыя Салаўя Эльвіры Віхаравай, у якім Салавей заявіў, што перад пачаткам уварвання ва Украіну ў рэзідэнцыі Пуціна ў Сочы правялі паганскі абрад, падчас якога шаманы прынеслі ў ахвяру арла і прадказалі Пуціну.

У лютым The Wall Street Journal пісаў, што тэорыі Салаўя могуць выкарыстоўвацца Крамлём для таго, каб запоўніць інфармацыйны вакуум вакол Пуціна сумнеўнай інфармацыяй, ствараць ілжывае адчуванне, што ён хутка памрэ, і дыскрэдытаваць незалежныя СМІ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com