Зяленскі расказаў, як пасадзіць Пуціна за стол перамоў

Прэзідэнт Украіны прапанаваў дзейсны спосаб.

Прымусіць Пуціна да пачатку мірных перамоў па Украіне можна, прымусіўшы расейцаў плаціць больш высокую цану за вайну, заявіў украінскі лідар Уладзімір Зяленскі.

«Калі расейцы апынуцца ў небяспецы, калі яны будуць пазбаўленыя камфортнага жыцця, калі ім давядзецца жыць без электраэнэргіі, як нашым людзям, яны зразумеюць кошт вайны і яны будуць незадаволеныя. Тады яны пачнуць ціснуць на Пуціна», - сказаў Зяленскі ў інтэрв'ю CNN.

Паводле ягоных слоў, Пуцін не баіцца іншых краін і іх лідараў, але баіцца абурэння народа Расеі. Таму заходнія саюзнікі павінны дапамагчы Украіне стаць дастаткова моцнай, каб яна магла пазбавіць расейцаў адчування бяспекі і камфорту. У гэтым выпадку Зяленскі паабяцаў, што Захад убачыць - Пуцін «сядзе і пачне перамовы».

«Дыпламатычныя пастановы добрыя, калі ты моцны. У адваротным выпадку Пуцін нават не будзе прымаць у гэтым удзелу. І я думаю, што пры іншых абставінах яны [расейцы] не будуць зацікаўленыя ў тым, каб спыніць вайну», - сказаў Зяленскі.

Пры гэтым ён адзначыў, што Украіна дагэтуль не атрымала дазволу ад ЗША на прымяненне амерыканскіх дальнабойных ракет для ўдараў па Расеі. Паводле яго слоў, з дапамогай гэтай зброі Кіеў мае намер атакаваць вайсковыя базы, а не грамадзянскую інфраструктуру.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com