Над Гародняй сёння з'явіцца каляровы дым

Гэта звязана з працамі на стратэгічным прадпрыемстве.

На 17 верасня прадпрыемства "Гродна Азот" запланавала спыніць частку вытворчасці, паведамляе "Гарадзенскі хімік". У сувязі з гэтым жыхароў Гародні папярэдзілі аб магчымым чырвона-бурым дыме над заводам. Прычым толькі нядаўна гэтую частку вытворчасці планава запускалі.

У планавым парадку на 17 верасня прызначанае спыненне аддзялення азотнай кіслаты і кампрэсіі цэха азотнай кіслаты і карбамідна-аміячнай сумесі (АКіКАС).

“Гэтая аперацыя суправаджаецца кароткачасовым павелічэннем утрымання NOx у + газах. Аксід азоту (IV), які ўваходзіць у склад NOx, надае газам характэрнае чырвона-бурае адценне (у народзе такі дым завуць „лісіны хвост“. — Заўв. рэд.)”, — гаворыцца ў паведамленні выдання.

Як тлумачыцца, дапушчальны выкід забруджвальных рэчываў у газах рэгламентаваны неабходнымі дакументамі, а падчас правядзення прыпыначных аперацый вядзецца "кантроль якасці атмасфернага паветра на тэрыторыі і па перыметры прадпрыемства, а таксама на мяжы санітарна-ахоўнай зоны з улікам кірунку ветру".

Звесткі па атмасферным паветры ў санітарна-ахоўнай зоне прадпрыемства будуць апублікаваныя на афіцыйным сайце ААТ "Гродна Азот".

"Пагрозы гораду, экалогіі і жыхарам няма", - адзначылі ў выданні і на прадпрыемстве.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com