Лукашэнка: Амерыканцы ўказалі Кіеву атакаваць інфраструктуру Беларусі

Са слоў дыктатара, УСУ такім чынам адкажуць на пралёты расейскіх беспілотнікаў праз нашу краіну.

З сярэдзіны верасня да пачатку лістапада ЗША нібыта чакаюць істотную эскалацыю абстаноўкі на фронце як з боку Масквы, так і Кіева. Пра гэта са спасылкай на «звесткі беларускіх спецслужбаў» распавёў Аляксандр Лукашэнка ў сваім выступе 17 верасня, перадае «Зеркало».

Са слоў дыктатара, гэтая інфармацыя была агучаная ў закрытай частцы перамоў прадстаўнікоў беларускіх дэмакратычных сілаў са службовымі асобамі ЗША. Сустрэча, як заявілі «беларускія спецслужбы», нібыта адбылася «ў адной з краін», называць якую Лукашэнка ў сваім выступе не стаў «з пэўных прычын».

- Агучылі (прадстаўнікі ЗША. - Заўвага. рэд.) наступныя тэзісы: з сярэдзіны верасня да пачатку лістапада ЗША чакаюць істотную эскалацыю ваеннай абстаноўкі як з боку Масквы, так і Кіева на фронце. Я хачу, каб гэта пачулі і расейцы. Мы да іх пакуль не даводзілі гэтую інфармацыю. Заходнія спецслужбы кажуць пра Беларусь, як пра магчымае месца эскалацыі, - зачытаў Лукашэнка з паперкі інфармацыю ад «беларускіх спецслужбаў».

Ён адзначыў, што размова ідзе не аб уступленні беларускіх войскаў у вайну ва Украіне, а «аб рэакцыі ў адказ Кіева на пралёты расейскіх беспілотнікаў праз тэрыторыю Беларусі — аж да атак на аб'екты памежнай інфраструктуры» нашай краіны.

- Гэта значыць амерыканцы сказалі Кіеву, калі складуцца абставіны, - атакаваць нашу інфраструктуру па паўднёвай мяжы. Прычына – расейскія беспілотнікі лётаюць над… побач з тэрыторыяй Беларусі. Павінен вам адкрыта заявіць. Мы дамовіліся па каналах з украінцамі, што мы не будзем у СМІ агучваць факты залёту беспілотнікаў і расейскіх і ўкраінскіх на нашу тэрыторыю.

Як растлумачыў Лукашэнка, чужыя дроны залятаюць у Беларусь, бо «і тыя, і іншыя дрэнна кіруюць беспілотнікамі», а таксама эфектыўна працуе сістэма радыёэлектроннай барацьбы.

- Адзін з іх (беспілотнікаў - Заўв. рэд.) мы знайшлі аж пад Бабруйскам - у цэнтры Беларусі. І гэта былі ўкраінскія беспілотнікі, а не расейскія. Хоць і з іншага боку бывае, - заявіў Лукашэнка.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com