Супэркампутар прадказаў пераможцу Лігі чэмпіёнаў

Турнір стартаваў сёння.

Галоўным прэтэндэнтам на перамогу ў Лізе чэмпіёнаў УЕФА сэзона-2024/25, якая стартавала 17 верасня, названы "Манчэстэр Сіці". Такія звесткі падае статыстычны цэнтр Football Meets Data.

Там прааналізавалі ўсе будучыя матчы групавога этапу турніру пры дапамозе супэркампутара. Ён даў 10 тысяч варыянтаў выніку спаборніцтваў, дзякуючы якім і выведзеныя шанцы ўсіх клубаў у адсотках.

Калі верыць супэркампутару, «Манчэстэр Сіці» выходзіць у этап плэй-оф з імавернасцю 91%, шанцы на выхад у фінал складаюць 34%, а перамога — 21%.

Другім прэтэндэнтам на перамогу названы самы тытулаваны клуб у гісторыі Лігі чэмпіёнаў — мадрыдскі "Рэал". Ім прадракаюць 11% на чарговы поспех.

Трэцім у прагнозах значыцца міланскі "Інтэр" (9%), у пяцёрку таксама трапілі лонданскі "Арсэнал" (8%) і левэркузэнскі "Баер" (6%).

А яшчэ ў топ-10 прэтэндэнтаў на перамогу ў Лізе чэмпіёнаў знаходзяцца "Баерн", "Лівэрпуль", "Барсэлона", "ПСЖ" і дортмундская "Барусія".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com