Інжынеры прыдумалі звышмоцны бетон

Яны натхняюцца будовай чалавечых костак.

Інжынеры з Прынстанскага ўніверсітэта распрацавалі новы тып бетону, які адрозніваецца падвышанай трываласцю ў параўнанні з «класічнымі» варыянтамі: а менавіта ў 5,6 разы. Для яго стварэння навукоўцы натхняліся будовай чалавечых костак – іх структурай. Тэхналогія дазваляе ўнікнуць растрэсквання матэрыялу і раптоўнага разбурэння канструкцый з яго, паведамляе «Анлайнер».

Эксперыментальныя ўзоры, выпрабаваныя ў лабараторных умовах, даказалі ўстойлівасць да распаўсюджвання расколінаў і паказалі здольнасць да дэфармацыі без разбурэння. Будову інжынеры «падгледзелі» ў кампактнай касцяной тканцы, якая забяспечвае падтрымную і ахоўную функцыі косткі (у тым ліку менавіта дзякуючы ёй косткі супрацьстаяць пераломам).

Тканка складаецца з эліптычных трубчастых кампанентаў – астэонаў, інтэграваных у арганічны матрыкс косткі. Такая «архітэктура» дазваляе размяркоўваць нагрузкі і процідзейнічаць распаўсюджванню расколінаў, павялічваючы агульную трываласць складу на аснове цэменту. Каманда інжынераў з Прынстана распрацавала матэматычную мадэль, на базе якой быў прапанаваны варыянт сумесі з эліптычнымі і цыліндрычнымі «астэонамі».

Навукоўцы запэўніваюць, што бетон на базе іх складу не патрабуе дадавання ўзмацняльных элементаў накшталт пластыку ці рознага кшталту валокнаў: яны дасягаюць значнага падвышэння трываласці, маніпулюючы структурай самога матэрыялу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com