Пад Светлагорскам затрымалі «чорных капальнікаў»

Разбіралі набоі і міны дома.

Пад Светлагорскам затрымалі траіх «чорных капальнікаў», якія цягам 14 гадоў незаконна вялі раскопкі на месцах баёў Другой сусветнай вайны. Яны знаходзілі зброю і боепрыпасы, хавалі іх у лясах пад Светлагорскам, а разбіраць выбухованебяспечныя знаходкі надумалі проста ў сябе дома - у гаражах і на лецішчах, паведамілі ў МУС.

Трое мужчын, узростам ад 37 да 75 гадоў, - з Менска, а таксама Менскай і Гомельскай абласцей. З 2010 да 2024 года яны займаліся пошукамі вайсковых артэфактаў на тэрыторыі Меншчыны і Гомельшчыны. Знаходкі аднаўлялі да баявога стану, а з набояў выцягвалі выбухоўку.

Падчас ператрусаў у «чорных капальнікаў» і ў тайніках былі знойдзеныя чатыры адзінкі наразной і тры — гладкаствольнай зброі, запчасткі да яе, амаль 3500 патронаў, выбуховыя рэчывы, набоі, гранаты і міны.

Супраць мужчын распачатая крымінальная справа за незаконныя дзеянні са зброяй, боепрыпасамі і выбухоўкай. У МУС падкрэслілі, што разборка небяспечных знаходак вялася ў жылых раёнах, пагражаючы не толькі самім затрыманым, але і навакольным.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com