Удар БПЛА па Тарапцы ў Расеі выклікаў 17 землятрусаў
17- 18.09.2024, 11:03
- 19,368
Боепрыпасы з узарванага склада адпраўлялі ў Беларусь.
Пасля атакі на склад боепрыпасаў у горадзе Тарапцы Цвярской вобласці маніторынгавымі сэрвісамі быў зафіксаваны слабы землятрус магнітудай 2,8 бала. Аб гэтым паведамляе сэрвіс Volcanodiscovery.
Пасля гэтага было яшчэ 16 слабых штуршкоў магнітудай ад 2 да 2,8 бала.
«За апошнія 24 гадзіны ў Тарапцы адбылося 17 землятрусаў магнітудай 2,0+, наймацнейшы з якіх склаў 2,8 бала», — гаворыцца ў паведамленні.
Украінскі беспілотнік трапіў у 107-ы арсенал Галоўнай ракетна-артылерыйскай управы РФ. Пра гэта паведамляе ўкраінскі осOSINT-эксперт Tatarigam.
«Гэты склад актыўна пастаўляў розныя боепрыпасы, дарэчы, 122-мм ракеты для БМ-21 «Град», 82-мм набоі і 7,62 паміж 2022 і 2024 гадамі», – гаворыцца ў паведамленні.
«На вялікім складзе ў горадзе Тарапцы ў Цвярской вобласці расейцы захоўвалі ракеты да «Градаў», С-300 і С-400, а таксама вырабленыя балістычныя ракеты да «Іскандэраў» і пачыналі ствараць запас паўночнакарэйскіх KN23», - адзначыў кіраўнік Цэнтра процідзеяння дэзінфармацыі Аляксандр Каваленка.
Маніторынгавыя каналы таксама сцвярджаюць, што на складзе ў горадзе Тарапцы захоўвалася да 30 тысяч тон рознага баявога камплекта (далей - БК). Пасля атакі быў знішчаны цэлы «гарадок» БК і гэта, імаверна, з'яўляецца найбуйнейшым знішчаным складам за ўсю вайну - яго памер складае прыкладна 7,76 км ². Цяпер атакаваны склад працягвае дэтанаваць.
Гэтыя боекамплекты адпраўлялі РЧ на захад, у Беларусь, затым перасякалі мяжу зноў у РФ і разгружалі ў Курску і Белгарадзе. Іх знішчэнне адаб'ецца «на аператыўнай групоўцы Поўнач, у якую ўваходзіць забеспячэнне войск Бранска, Курска і Белгарада».
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
