Затрымалі сёмага генерала з каманды Шайгу

За буйны хабар.

Расейскія следчыя затрымалі начальніка аўтабранятанкавай службы Цэнтральнай вайсковай акругі генерал-маёра Дзяніса Пуцілава ў справе аб хабары ў асабліва вялікай суме (ч. 6 арт. 290 КК РФ), паведамілі ў прэс-службе Следчага камітэта Расеі.

Са звестак следства, у 2023 годзе Мінабароны РФ у рамках выканання дзяржабаронзамова ўклала шэраг дзяржаўных кантрактаў у рамонце і тэхнічным абслугоўванні вайсковай аўтамабільнай тэхнікі з індывідуальным прадпрымальнікам Чудзінавым (імя бізнэсоўца не называецца). Выкананне кантрактаў, кошт якіх перавысіў 140 млн руб., кантраляваў Пуцілаў.

"У мэтах паслаблення кантролю, атрымання іншых прывілеяў і прэферэнцый пры выкананні дзяржаўнай абароннай замовы, а таксама ўкладання ў далейшым новых кантрактаў Пуцілаў атрымаў хабар ад прадстаўніка ІП Чудзінава на суму 10 мільёнаў рублёў", — адзначылі ў СК.

У ведамстве дадалі, што мера стрымання для генерал-маёра пакуль не абраная. Справу вядзе Галоўная вайсковая следчая ўправа.

Пуцін прысвоіў Пуцілаву ранг генерал-маёра ў траўні гэтага года. На афіцыйных сайтах Мінабароны падрабязнасцяў ягонай біяграфіі няма.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com