УСУ дабіліся новых поспехаў у Курскай вобласці

Украінскім войскам удалося пашырыць плацдарм на тэрыторыі Расеі.

УСУ ўдалося пашырыць свой плацдарм на Куршчыне і рушыць наперад у Глушкоўскім раёне на ўсход ад вёскі Чырвонакастрычніцкае. Пра гэта паведамляе амерыканскі Інстытут вывучэння вайны (ISW).

У той жа час у Мінабароны РФ сцвярджаюць, што расейскае войска адбіла атакі ўкраінскіх сіл у раёне Вясёлага (на паўднёвы захад ад Глушкова), Мядзведжага (на паўднёвы ўсход ад Вясёлага) і Новага Шляху (на поўдзень ад Вясёлага).

У баях з боку РФ у Глушкаўскім раёне Куршчыны ўдзельнічаюць падраздзяленні 56-га і 51-га палкоў ПДВ.

Амерыканскія аналітыкі адзначаюць, што УСУ працягваюць атакаваць па ўсім сваім найбуйнейшым выступе ў Курскай вобласці.

Нядаўна ім удалося пашырыць плацдарм на паўднёвы ўсход ад Каранева ў раёне Абухоўкі і Любімаўкі і на паўночны захад ад Суджы ў раёне Малой Локні.

Падчас разлютаваных баёў расейцам са свайго боку ўсё ж атрымалася адбіць частку кантраляванай украінцамі тэрыторыі ўздоўж двух лясных масіваў на паўднёвы ўсход ад Коранева і на поўдзень ад Абухоўкі.

Таксама, з паведамлення Z-блогераў, войска РФ прасунулася на поўдзень ад Дураўкі і ўздоўж шашы Коранева - Шаптухоўка - Сафонаўка.

Расейскія войскі правялі наступальныя аперацыі ў раёне Мікалаева - Дар'іна, Любімаўкі і Талстога Луга і на паўднёвы ўсход ад Суджы ў раёне Пляхава. Камандаванне РФ на гэтым адцінку кінула ў бой бронетэхніку, якая падтрымлівала вылазкі падраздзяленняў 810-й брыгады марпехаў ЧФ РФ і 11-й брыгады ПДВ. Наколькі гэтыя дзеянні расейцаў былі эфектыўныя, не паведамляецца.

Паводле інфармацыі ISW, нягледзячы на рост актыўнасці войска РФ у Курскай вобласці, пакуль не назіраецца прыкмет буйнамаштабнай наступальнай аперацыі, накіраванай на выцісканне ўкраінскіх войскаў з тэрыторыі РФ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com