Расейцы ўдарылі па цэнтры рэабілітацыі дзяцей і дзіцячым доме ў Сумах

18 пацярпелых.

Расейскія войскі 1 верасня нанеслі ракетны ўдар па цэнтры сацыяльна-псіхалагічнай рэабілітацыі дзяцей і дзіцячаму дому ва ўкраінскіх Сумах. Вядома аб 18 пацярпелых, сярод якіх шасцёра дзяцей, паведамілі мясцовыя ўлады і СМІ.

Удар па цэнтры сацыяльна-псіхалагічнай рэабілітацыі дзяцей і дзіцячаму дому ў Сумах быў нанесены ўвечары 1 верасня.

Як паведаміла Сумская гарадская рада, вядома пра 13 пацярпелых. Чатыры змешчаныя ў стацыянар, столькі ж атрымалі медыцынскую дапамогу на месцы, пяцёра будуць лячыцца амбулаторна.

Пазней гарадская пракуратура ўдакладніла, што пацярпелі 18 чалавек, у тым ліку шасцёра дзяцей - тры хлопчыкі 7, 9 і 13 гадоў і тры дзяўчынкі 7, 15 і 17 гадоў. Разбурэнні маюць навучальная ўстанова і сама меней пяць суседніх шматпавярховікаў.

Кіраўнік Сумскай гарадской ваеннай адміністрацыі Аляксей Драздзенка напісаў, што "ўсім пацярпелым надаецца неабходная дапамога".

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com