Мбапэ аформіў першы дубль за «Рэал»
- 2.09.2024, 16:11
- 1,530
![Мбапэ аформіў першы дубль за «Рэал»](https://i.c97.org/ai/609164/aux-head-1725282603-2024_09_02_mbape__360.png)
25-гадовы футбаліст вызначыўся ў матчы 3-га тура чэмпіянату Гішпаніі.
Французскі нападнік мадрыдскага «Рэала» Кіліян Мбапэ адзначыўся дэбютным дублем за новы клуб у матчы 3-га тура чэмпіянату Гішпаніі супраць «Беціса».
Француз забіў два галы на «Санцьяга Бернабеу», а «Рэал» перамог з лікам 2:0, піша zn.ua.
Гэта трэці гол Мбапэ за «Рэал». Таксама 25-гадовы футбаліст вызначыўся ў матчы з «Атлантай» за Суперкубак УЕФА.
«Адчуваю сябе выдатна, кажу пра гэта ўвесь час пасля пераходу. Я шчаслівы, людзі акружылі мяне клопатам, адчуваў гэта і тады, калі не забіваў. Для кагосьці тры гульні - гэта мала, але не для мяне. Але людзі ў клубе і фанаты былі побач, яны ўсялілі ў мяне ўпэўненасць, каб я аддаваў усе сілы дзеля гэтага клуба і гэтай эмблемы», - заявіў форвард пасля матчу.
Нагадаем, Мбапэ выступаў за ПСЖ з 2018 года пасля пераходу з «Манака». За гэты перыяд ён узяў удзел у 307 матчах ва ўсіх турнірах, у якіх вызначыўся 255 галамі і 108 дзейснымі перадачамі. У чэрвені гэтага года «Рэал» абвясціў аб падпісанні Мбапэ з ПСЖ.
Кіліян падпісаў з «Рэалам» кантракт да 2029 года. З паведамленняў СМІ, за адзін сезон адзін з найлепшых футбалістаў свету будзе зарабляць 15 млн еўраў за сезон.